XX. mendeko Euskararen Corpus estatistikoa

Testuingurua

1816

ERABAKIA, 1992ko ekainaren 19koa, Industriako Bizkaiko Lurralde Ordezkariarena, Santurtziko Sarea-Petronorreko Estekagunea izeneko industri erabilpenetarako gas naturalaren sarearen instalakuntzak eraikitzeko baimena ematen duena.

48001 - Bilbaoko San Vicente kaleko 8an, Albia Eraikuntza I, 15. solairuan egoitza duen Euskadiko Gas Baltzua, A.B.ren eskariz, Industri Erabilpenetarako Gas Naturala Banatzeko Arrigorriaga-Santurtzi izeneko Gasoditik hartu eta Santurtzi eta Abanto eta Zierbenako udalerrietan Santurtziko Sarea-Petronorreko Estekagunea izeneko proiektuari dagozkion instalakuntzak eraikitzeko baimena eskatuz, Industria eta Energia Saileko Lurralde Ordezkaritza honetan hasi arazitako espedientea ikusi da.

Bizkaian industri erabilpenetarako gas naturalaren banaketarako administrazio kontsezioaren titularra Euskadiko Gas Baltzua, A.B. da.

1981eko otsailaren 25eko Ministeritza Aginduaren bidez Enagas enpresari eman zitzaion kontsezioa, baina Eusko Jaurlaritzako Industria eta Energia Sailaren 1983ko uztailaren 15eko Aginduz Euskadiko Gas Baltzua, A.B.ri eskualdatu zitzaion; gerora, aipatutako Sailaren 1984eko ekainaren 1eko Aginduz zabaldu egin zen kontsezio hori Bizkaiko Lurralde Historikoko beste zenbait udalerritarako, besteak beste, Santurtzi eta Abanto eta Zierbenarako.

Industriako Bizkaiko Lurralde Ordezkaritzaren 1985eko irailaren 30eko Erabakiz, industri erabilpenetarako gas naturalaren Barakaldo-Santurtzi izeneko gasodiaren proiektua egiteko baimena eman zitzaion Euskadiko Gas Baltzua, A.B.ri, aipatutako kontsezio horren barruan.

Espediente hori jendearen informaziorako izapidetan jarri zen, eta horretarako 1992ko maiatzaren 15eko EHAAn eta 1992ko maiatzaren 6ko EBOn argitaratu zen horri dagokion iragarpena, baita 1992ko apirilaren 30eko El Correo Español eta 1992ko apirilaren 29ko Deia egunkarietan eta Santurtzi eta Abanto eta Zierbenako Udaletako Irakarki Oholtzetan ere.

Hala ere, Deian argitaratu zen iragarpena eratzerakoan huts bat egin zela ohartuta, horri zegokion hutsen zuzenketa egin zen egunkari berean 1992ko maiatzaren 5ean.

Ondorioz, jarraian labur bilduz jasotzen diren galdapenak aurkeztu ziren:

- Pablo Llosa González jaunak, bere izenean eta BI-RS-AC-88 funtsari dagokionez, eta bere ama Victoriana González andrearen izenean eta bere neba-arreba Ramón, Javier eta Catalina jaun-andreen izenean eta BI-RS-AC-79, 80 eta 84 funtsei dagokienez, zuinketa aldatzea eskatzen du, gasodia euren lurretatik igarotzeak kalteak dakarkiela eta, egunen batean lurren hirigintzazko kalifikazio aldatzen bada, horietan eraiki ezinik geldituko direla galdatuz.

- San Martín neba-arrebek, Fernando Legarreta jaunak eta Carlos Ladrón de Guevara jaunak, V-76 eta V-82 erpinen artean, zuinketa berriz aztertu dadila eskatzen dute, ukitutako lurzatien mugetan dauden bideetatik igaro eraziz; era berean, V-67 eta V-74.1 erpinen artean aldaketa bat egitea eskatzen dute, sor dadin kaltea ahal denik eta txikiena izan dadin.

- Petra Torre andreak, BI-RS-ST-05 lurzatiaren ugazaba denez, zenbait aldiz desjabetzapena jasan behar izan duelako, bere lurzatiari kalterik ahalik eta txikiena sor dakion, gasodia lekuz aldatzea eskatzen du, funtsaren mugatik pasa eraziz.